Doctor, My mind always confuses me on dining, either "Go for Green" or "Go for Meat", What's a solution? Simple, Go and get a "Green Meat" and enjoy it:-))))

[മാര്‍ച്ച് മാസത്തിലെ മാതൃഭൂമി ആരോഗ്യ മാസികയില്‍ അഷ്ടവൈദ്യന്‍ വൈദ്യമറം ചെറിയ നാരായണന്‍ നംപൂതിരി എഴുതിയ ലേഖനത്തിന്റെ സിനോപ്സിസ്]

ആയുര്‍വേദത്തില്‍ മാംസം ബ്രംഹണമാണ്, രസായന വാജീകരണ യോഗങ്ങളിലും ക്ഷതം, കാര്‍ശ്യം, ശോഷം എന്നീ അവസ്ഥകളിലും യുക്തിക്കനുസരിച്ച് മാംസം ഉയോഗിക്കാം, മൃഗം/ അന്വേഷിച്ച് ഭക്ഷിക്കുന്നവ, വിഷ്കിരം/ കൊത്തിത്തിന്നുന്നവ, പ്രതുദം/ പെറുക്കിത്തിന്നുന്നവ, വിലേശയം/ മാളത്തില്‍ ജീവിക്കുന്നവ, പ്രസഹം/ നക്കിത്തിന്നുന്നവ, മഹാ മൃഗം/ സിംഹം മുതലായവ, അപ്ചരം/ വെള്ളത്തില്‍ സഞ്ചരിക്കുന്നവ, മത്സ്യം എന്നിങ്ങനെ എട്ടു തരം മാംസങ്ങളുണ്ട്, മാംസം ഗുരു, ഉഷ്ണ, സ്നിഗ്ധ, മധുര ഗുണങ്ങളോട് കൂടിയവയും, ബലത്തേയും കഫത്തെയും വര്‍ദ്ധിപ്പിക്കുന്നതും, വൃഷ്യവും, വാതഹരവുമാണ്, നിത്യം വ്യായാമം ശീലിക്കുന്നവര്‍ക്കും, അഗ്നി ബലമുള്ളവര്‍ക്കും മാത്രമേ ആയുര്‍വേദം മാംസഭക്ഷണം  അനുവദിക്കുന്നുള്ളൂ, മുയല്‍ മാംസം രൂക്ഷവും, ശീതവും, മലബന്ധത്തെ ഉണ്ടാക്കുന്നതുമാണ്‌, പക്ഷികളുടെ മാംസം ഉഷ്ണവും, ഗുരുവും, സ്നിഗ്ധവും, ബ്രംഹണവും ആണ്, ഇതില്‍ ഏറ്റവും ഉത്തമമായ തൈത്തിരിപ്പുള്ളിന്റെ മാംസം ശബ്ടാര്‍ഥങ്ങളെ പെട്ടന്ന് ഗ്രഹിപ്പിക്കുന്നതും, അഗ്നി, ബലം, ശുക്ലം ഇവയെ വര്‍ദ്ധിപ്പിക്കുന്നതും, മലബന്ധകാരകവും ആണ്, മയില്‍ മാംസം കേള്‍വി ശക്തി, സ്വരം, കണ്ണ്, യൗവനരക്ഷ ഇവയ്ക്ക് നല്ലതാണ്, കോഴി മാംസം ശുക്ലവൃദ്ധി ഉണ്ടാക്കും, ഗുരുവാണ്‌, പ്രാവിന്‍ മാംസം ഗുരുവും, അല്പം ലവണരസമുള്ളതും, സര്‍വ ദോഷത്തെയും വര്‍ദ്ധിപ്പിക്കുന്നതും ആണ്, വിലേശയം മുതലായ അഞ്ചു വര്‍ഗങ്ങള്‍ അധികം ഗുരുവും, ഉഷ്ണവും, സ്നിഗ്ധവും, മധുരവുമാണ്, മൂത്രം, ശുക്ലം, കഫം, പിത്തം ഇവയെ വര്‍ദ്ധിപ്പിക്കുകയും, വാതത്തെ ശമിപ്പിക്കുകയും ചെയ്യും, ആട്ടിന്‍ മാംസം ശീത, ഗുരു, സ്നിഗ്ധ ഗുണങ്ങള്‍ അധികം ഇല്ലാത്തതും ദോഷങ്ങളെ വര്‍ധിപ്പിക്കാത്തതുമാണ്, കൂടാതെ മനുഷ്യ മാംസത്തോടും സാദൃശ്യമുണ്ട്, പശു മാംസം വരട്ടുചുമ, തളര്‍ച്ച, അത്യഗ്നി, വിഷമജ്വരം, വാതവ്യാധി ഇവയെ ശമിപ്പിക്കും, പോത്തിന്‍ മാംസം ഉഷ്ണവും, അതിഗുരുവും, ഉറക്കത്തേയും, ശരീരപുഷ്ടിയേയും പ്രദാനം ചെയ്യുന്നതും ആണ്, പന്നിയുടെ മാംസം പോത്തിന്‍ മാംസത്തിന്റെ അതേ ഗുണമുള്ളതാണ്, വിശേഷിച്ചു തളര്‍ച്ചയെ ശമിപ്പിക്കും, കൂടാതെ രുചി, ശുക്ലം, ബലം ഇവയെ ഉണ്ടാക്കും, മത്സ്യം പൊതുവേ കഫ വര്‍ധകമാണ്, ചെമ്മീന്‍/ ചിളിചീമം മൂന്ന് ദോഷങ്ങളെയും വര്‍ദ്ധിപ്പിക്കും, യൗവനത്തിലെത്തിയ പക്ഷിമൃഗാദികളെ കൊന്ന് മലവും അസ്ഥികളും കളഞ്ഞു വേണം ഭക്ഷിക്കാന്‍, താനേ മരിച്ച ജന്തുക്കളുടെ മാംസം ഭക്ഷിക്കരുത്, വളരെ മേദസ്സുള്ളവയും, രോഗം, വിഷം, ജലം എന്നിവയാല്‍ കൊല്ലപ്പെട്ടവയും ഭക്ഷിക്കരുത്, മൃഗങ്ങളില്‍ മാനും, പക്ഷികളില്‍ ലാവം/ കാടയും, വിലേശയത്തില്‍ ഉടുംപും ആണ് മാംസത്തിന് ഉത്തമം, മൃഗങ്ങളില്‍ പശു, പക്ഷികളില്‍ കാട്ടുപ്രാവ്, വിലേശയങ്ങളില്‍ തവള, മത്സ്യങ്ങളില്‍ ചെമ്മീന്‍/ ചിളിചീമം എന്നിവ കഴിക്കരുത്, ഓരോ ഋതുക്കളിലും മാംസം കഴിക്കുന്നതിന് പ്രത്യേകം വിധിയുണ്ട്, ഹേമന്തത്തിലും, ശിശിരത്തിലും പുഷ്ടിയുള്ള മാംസം, നെയ്‌ ചേര്‍ത്ത മാംസരസങ്ങള്‍ ഇവ കഴിക്കാം, വസന്തത്തില്‍ ശൂലത്തില്‍ കുത്തി വേവിച്ച മാംസം, ഗ്രീഷ്മത്തില്‍ ചെന്നല്ലരി ചോറ് ചേര്‍ത്തു വേവിച്ച മാംസം, വര്‍ഷത്തില്‍ സംസ്കരിച്ചു കറിയാക്കിയ ജംഗലമാംസം, ശരത്തില്‍ ജംഗല മാംസം എന്നിവ കഴിക്കാവുന്നതാണ്, വസ്തിക്കുള്ള യോഗങ്ങളില്‍ മാംസം ചേര്‍ത്ത് കാണാറുണ്ട്‌, ഇത് ഓജസ് വര്‍ദ്ധിപ്പിക്കുകയും, ബ്രംഹണവും ആണ്, ശരീരം മെലിയുന്നതിനും അഗ്ര്യൌഷധമാണ് മാംസം, മാംസരസം സപ്ത ധാതുക്കളെയും പുഷ്ടിപ്പെടുത്തും, ഹൃദ്യവും ആണ്, ക്ഷയ രോഗി, ശരീരം മെലിഞ്ഞവര്‍, ശുക്ലം ക്ഷയിച്ചവര്‍, ബലവും വര്‍ണ്ണ പ്രസാദവും വേണ്ടവര്‍, എന്നിവര്‍ മാംസാഹാരം കഴിക്കണം, കുട്ടികളില്‍ പല്ല് വരാന്‍ താമസിച്ചാല്‍ ഉണങ്ങിയ മാംസ ചൂര്‍ണം തേനും ചേര്‍ത്ത് പുരട്ടാം, സുശ്രുതന്‍ നാലും അഞ്ചും മാസത്തില്‍ ഗര്‍ഭിണിയെ മാംസം കഴിപ്പിക്കാന്‍ നിര്‍ദേശിക്കുന്നുണ്ട്, എട്ടാം മാസത്തില്‍ ഗര്‍ഭിണിക്ക്‌ വസ്തി കഴിഞ്ഞാല്‍ മാംസരസം കഴിക്കാമെന്നും പറയുന്നു, പ്രസവിച്ച ശേഷം ഏഴു മുതല്‍ പന്ത്രണ്ടാം മാസം വരെ ഔഷധങ്ങള്‍ ഇട്ടു സംസ്കരിച്ച മാംസരസം കഴിക്കാം, നെയ്യ് കഴിക്കാന്‍ ഇഷ്ടമില്ലാത്തവര്‍, നെയ്യ് സത്മ്യം ആയിട്ടുള്ളവര്‍, മൃദുകോഷ്ടം ഉള്ളവര്‍, ക്ലേശം സഹിക്കുന്നവര്‍, സദാ മദ്യം ഉപയോഗിക്കുന്നവര്‍, എന്നിവര്‍ക്ക് ലാവ/ കാട, തിത്തിരി, മയില്‍, പന്നി, കോഴി, പശു, കോലാട്, മത്സ്യം എന്നിവയുടെ മാംസം ഹിതമാണ്, പാലും മത്സ്യവും, പന്നി മാംസവും, മുള്ളന്‍ പന്നി മാംസവും, ഉഴുന്നിനോടും മൂലവരി കിഴങ്ങിനോടും ചേര്‍ത്തുള്ള മാംസവും, മത്സ്യം പാകം ചെയ്ത എണ്ണയില്‍ പാകം ചെയ്ത മറ്റു ഭക്ഷണങ്ങളും, ഒരു രാത്രി വച്ച പ്രാവിന്‍ മാംസവും ഉപയോഗിക്കരുത്, ശുക്ലവൃദ്ധിക്ക് പോത്തിന്‍ മാംസം, അരയന്നം, മയില്‍, കോഴി ഇവയുടെ അണ്‍റരസം കൂട്ടി ഊണും, വാജീകരണത്തിന് മത്സ്യം, കോഴിമുട്ട ഇവയും, രക്ത പിത്തത്തിന് ഗ്രാമ ജീവികളുടെ രക്തം തേന്‍ ചേര്‍ത്തും, പുംസ വനത്തിന് കോഴിമുട്ടയുടെ വെള്ള ചേര്‍ത്ത വസ്തിയും നല്ലതാണ്,